Сте пробале особуко? Традиционално италијанско јадење со фантастичен вкус!
Одлична идеја за ручек
Еднаш кога ќе го пробате ова јадење, секогаш ќе го приготвувате!
Состојки:
- 1 телешка коленица попречно исечкана на парчиња со дебелина од 3 см
- 100 г екстра бело брашно тип 400 на „Жито лукс“
- 350 г лупени домати
- 1 главица црвен кромид
- 2 моркова
- 1 парче корен од целер
- 1 лажиче пипер
- 3 чешниња лук
- 100 мл бело вино
- 300 мл говедска супа во коцка
- 2 лаврова листа
- 1 лажиче сушено оригано
- 30 мл маслиново масло
- 30 г путер
За посипување:
- 1 китка магдонос
- 1 лимон
- 2 чешниња лук
Приготвување:
1. Мембраната околу парчињата од месото се засекува на неколку места за да не се деформира во текот на печењето. Потоа резанките се посолуваат, се попаруваат и се валаат во екстра бело брашно тип 400 на „Жито лукс“.
2. Во тава се поврзуваат маслиновото масло и путерот, па се загрева додека се растопи путерот. Се спуштаат приготвените парчиња од месо и се пржат додека поруменат. Се вадат од маснотијата и се оставаат на топло.
3. Црвениот кромид се чисти и се сечка на коцки, па се пржи на маснотијата од месото. Се додаваат морковите исечкани на крукчиња и целерот исечкан на коцки, па сето тоа заедно се пржи. Се ставаат лупените домати, се додаваат лавровиот лист, ориганото, пиперот и зачини по желба. Пред крајот на готвењето се додава пасираниот лук.
4. Се додаваат белото вино и говедската супа, па се вари додека зоврие. Потоа се враќа прженото месо и се вари додека месото почне да се распаѓа.
5. Посебно се приготвува смесата за посипување – се соединуваат ренданата коричка од лимонот, ситно исечканиот магдонос и лукот. Кременадлите се посипуваат со приготвената мешавина и се послужуваат со ризото.
Извор: Добра храна