Сте пробале бифтеки? Збогатете го менито со ова несекојдневно јадење!
Неодолив деликатес
Пробајте бифтеки – специјалитет од мелено месо
Состојки:
- 700 г мешано мелено месо
- 3 јајца
- 120 г бајат леб
- 1 помала главица црвен кромид
- 200 г фета сирење
- 2 чешниња лук
- 2 лажици сечкан магдонос
- прстофат оригано
- 1 лажиче пипер
- бибер
- масло
- сол
Приготвување:
1. Бајатиот леб се сечка на покрупни коцки, се прелева со вода, а потоа добро се цеди и се дроби.
2. Црвениот кромид се чисти и се сечка на коцки, лукот се пасира. Фета сирењето се дроби.
3. Во подлабок сад се поврзуваат меленото месо и јајцата, па добро се меша. Се додаваат издробениот леб и сирењето, сечканиот црвен кромид и пасираниот лук, магдоносот, пиперот и ориганото. Се посолува и забиберува, па добро се меша за да се добие воедначена смеса. Се остава да отстои во фрижидер најмалку 30 минути.
4. Од отстоената смеса со намрсени раце се обликуваат ќофтиња – бифтеки. Се пржат на врело масло од двете страни додека заруменат.
5. Бифтеките се послужуваат со пржен компир или со вариво по желба.
Извор: Добра храна