Њоките се мали кнедлички направени од компир, кои можат да се сервираат со разни сосови, сирења, домати, кремови или песта, исто како и тестенините.
Иако потекнуваат од Италија и се познати по начинот на послужување, њоките постојат во многубројни форми и се прават со разни придружни јадења.
Денес ви донесуваме рецепт за њоки во сос од домати.
Состојки:
* лажичка маслиново масло
* кромид
* 2 чешниња лук
* црвена пиперка
* 400 г пелат
* 500 г њоки
Поврзани објави
* лажичка сув или грст свеж босилек
* 125 г моцарела
Приготвување:
Загрејте го маслото во тава и испржете го исечканиот кромид и ситно исечканата пиперка пет минути. Додајте го исечканиот лук, пржете една минута, а потоа додајте го и пелатот.
Гответе околу 10 минути, мешајќи повремено. Сварете ги њоките според упатството на пакувањето, па додајте ги во сосот. Зачинете со сол, додајте сечкан босилек и префрлете ги во голем огноотпорен сад.
Наросете ги њоките со рендана моцарела и печете ги десет минути, додека сирењето зарумени.
Добар апетит!
Текст: Убавина и здравје
Фото: Getty Images