Сочен и богат ручек за паметење: Пригответе прелеан ролат со спанаќ и со кашкавал
Пробајте!
Превкусен ручек за целото семејство
Состојки:
- 500 г мешано мелено месо
- 200 г свежи скараџиски колбаси
- 1 главица црвен кромид
- 3 чешниња лук
- 2 јајца
- 120 г лебни трошки
- 2 лажици сечкан магдонос
- 1 лажиче пипер
- 150 г кашкавал во листови
- 100 г млад спанаќ
- 400 г лупени домати
- босилек
- 3 лажици маслиново масло
- црн пипер
- сол
Приготвување:
1. Се истиснува месото од скараџиските колбаси, па се поврзува со мешаното мелено месо. Се додаваат ситно сечканиот црвен кромид и пасираниот лук. Се ставаат јајцата, црниот пипер, магдоносот и лебните трошки, се посолува и запиперува, па со рака се замесуваат состојките.
2. На работната масичка се нанесува проѕирна фолија и на неа се става месниот фил за ролатот. Со намрсени раце филот се истенчува во правоаголник со дебелина од 1 см.
3. Преку подлогата од месо се распоредуваат листовите кашкавал и одозгора се нанесува измиениот и исчистен млад спанаќ.
4. Со помош на проѕирна фолија подлогата од месо заедно со филот се рола. Краевите се притискаат да се залепат.
5. Ролатот се витка во фолија и се става во плех обложен со хартија за печење. Се пече во загреана рерна на 200°Ц, околу 50 минути.
6. Лупените домати се миксираат, па се соединуваат со босилекот и маслиновото масло. По 50 минути печење, ролатот се вади од фолијата, се прелева со сосот од домати и се враќа да се потпече.
Извор: Добра храна