Погледнете што можете да ставите во зелката за да добиете ручек преполн со витамини
Состојки:
- 1 главица зелка
- 2-3 моркова
- 1 врзоп млад кромид
- 5-6 чешниња лук
- 1 целер
- 2-3 компира
- зелена пиперка (слатка и лута)
- 1-2 домати (може и варени)
- сув зачин
- црвен пипер
- 1 лажица брашно
- масло
Приготвување:
Исечете ја зелката на покрупни коцки и ставете половина во тенџере, а зеленчукот исечете го на кругови или на коцки, па ставете го во средина на тенџерето врз зелката и покријте го со другата половина зелка. Додајте пиперки, целер или магдонос. Прелејте ги со вода до пола и ставете ги да се готват 45-50 минути. Додајте зачини и домати кога ќе се свари зелката.
Во тавче сипете малку масло, додајте брашно и лук. Пропржете малку, додајте црвен пипер и веднаш тргнете го од рингла и сипете го во зелката. Пробајте, па додајте сол ако треба. Исечкајте уште малку магдонос.
Оставете ја зелката да крчка уште една-две минути, па исклучете ја ринглата.
Добар апетит!