РУЧЕК ЗА ДЕНЕС: Пилешки пиперкаш на унгарски начин – совршено зачинет и полн со месо

Одличен рецепт

Јадењата на лажица повторно се во мода – денес ви предлагаме рецепт за пилешки пиперкаш по унгарски рецепт

Ручекот е еден од најважните оброци за секој од нас. Поради тоа, потрудете се да приготвите здраво јадење на лажица за себе и за вашето семејство.

Приготвување:
  • 2 лажици маст
  • 1,5 кг пиле со коските и кожата според оригиналниот рецепт, но може да се користи и пилешко исчистено од коските
  • 2 средни кромида, ситно сечкани
  • 2 чешниња лук, притиснати низ преса
  • 2 средни ситно сечкани домати (без семките)
  • 1 црвена сечкана пиперка (без семките)
  • 3-4 лажици црвен пипер
  • 2 шолји пилешка супа од коцка
  • 1 1/2 лажиче сол
  • 1/2 лажиче мелен бибер
  • 3 лажици брашно
  • 3/4 шолја кисела павлака на собна температура
  • 1/4 шолја слатка павлака
Приготвување:

Загрејте маст во тенџере и кратко пропржете го пилешкото месо од сите страни. Префрлете го пилешкото на чинија. На маст, пропржете кромид, а потоа додајте лук, сечкани домати и пиперка и пржете две-три минути. Тргнете го тенџерето од оган и додајте црвен пипер, сол и бибер. Црвениот пипер станува горчлив ако се препржи.

Вратете го пилешкото во тенџерето и ставете го повторно на рингла. Прелејте го со супа од коцка, пилешкото месо би требало да биде целосно покриено. Додајте повеќе супа ако е потребно. Доведете го до точка на вриење, намалете ја температурата и крчкајте 40 минути.

Потоа, извадете го пилешкото и ставете го во чинија. Во помала чинија измешајте брашно и павлака, додека добиете смеса без грутки. Сипете го кремот во сосот, постојано мешајќи за да не се направат грутки. Гответе го неколку минути додека се згусне сосот. По потреба додајте сол и бибер. Вратете го пилешкото во сосот да се загрее.

Послужете го со њоки, кнедли или варен компир.

Македонски пиперкаш: Највкусниот рецепт со говедско месо, преполн со клучни витамини!
Прочитајте и

Коментарите се заклучени.