Ручек на денот: Мусаката од бајат леб е однадвор крцкава, а однатре вкусна и мека!
Пробајте!
Нема ништо подобро од тоа кога ќе се направи супер вкусно јадење од ништо
Мусаката од бајат леб се прави многу лесно, а нема да ви остане ништо од лебот што сте планирале да го фрлите. По овој рецепт, сигурни сме дека сè поретко ќе ја приготвувате стандардната мусака со компири.
Состојки:
- 500 г мелено месо
- половина бајат леб
- 4 јајца
- 100 мл млеко
- 1 главица кромид
- 200 г кашкавал
- 1 лажица мешавина од зачини
- масло
- сол, мелен бибер
Приготвување:
Во тавче со загреано масло се пржи ситно сечканиот кромид. Се додава мелено месо, се посолува и се забиберува. Во намрсен керамички сад се редат парчиња леб.
Преостанатите парчиња се сечат и се редат во садот, така што целото дно на садот треба да биде покриено со леб. Се нанесува смесата од мелено месо, па се реди и преостанатиот леб.
Се кршат јајцата, се додава лажица мешавина од зачини и се мати. Се додава млеко и со оваа смеса се прелеваат парчињата леб.
Топлата мусака се сече на парчиња и се сервира.
Добар апетит!