Рецепти на Џејми Оливер за ќебапи и ајвар: Вака славниот готвач приготвува македонски специјалитети!

Инспириран од балканската кујна, Џејми Оливер одлучил да креира едноставен рецепт користејќи ги двете омилени македонски јадења: ќебапи и ајвар. Пробајте ги овие деликатеси на негов начин…

Состојки:

• 750 г мелено говедско месо
• 400 г мелено свинско месо
• 1 главица кромид, плус 4 чешниња лук
• 2 кафени лажички сода бикарбона
• 1 кафено лажиче црвен пипер
• 1 јајце
• 150 мл кисела вода
• маслиново масло
• 6 црвени пиперки
• 2 домата
• магдонос
• 2 лимона
• екстра девствено маслиново масло
• 1 кромид
• 6 тортили
• луто пиперче (по избор)
• кисела павлака

Приготвување:

Излупете ги и здробете ги четирите чешниња лук и ставете ги во голема чинија. Додајте го целото мелено месо и помешајте. Додајте малку сода бикарбона и црвен пипер и зачинете по вкус.

Додајте јајце и со раце измешајте ја смесата. Ставете кисела вода колку што е потребно за смесата да стане хомогена.

Поделете го месото во 10 до 12 делови во форма на ќебапи, околу 10 сантиметри долги и 2 сантиметри широки. Ставете ги во намрсена тепсија, покријте ги со пластична фолија и ставете ги во фрижидер.

За ајварот, загрејте ја рерната на 230 степени Целзиусови. Во друга тепсија, ставете цели пиперки, домати и неизлупен кромид и печете ги во рерна 30 до 40 минути, сѐ додека кората на зеленчукот не зацрни малку.

Кога пиперките и доматите ќе се потпечат, ставете ги во чинија, покријте ги со пластична фолија и оставете ги околу 20 минути. Кога ќе се оладат малку, излупете им ги лушпите и отстранете ги стебленцата, па исечкајте го зеленчукот.

Исцедете 6 препечени чешниња лук и додајте ја течноста од зеленчукот. Додајте и магдонос, а потоа сето тоа исечкајте го заедно. Откако ќе го исечкате зеленчукот, зачинете го со малку сол и бибер, исцедете 1 лимон и додајте повеќе масло. Оставете го садот на страна.

Потоа, ситно исечкајте го преостанатиот магдонос и сипете го врз чинија. Излупете и ситно исечкајте кромид, па ставете го во чинијата и потоа во неа исцедете го и другиот лимон. Промешајте го сето тоа и тргнете го садот на страна.

 

Непосредно пред да го послужите јадењето, подгрејте тортили и ставете тавче на оган. Кога тавчето ќе се загрее, пржете ги ќебапите околу 10-12 минути додека бидат готови.

За сервирање, премачкајте ги тортилите со ајварот, ставете на нив неколку ќебапи и по едно луто пиперче. Од страна ставете по една лажица павлака и преостанатите кругови кромид како декорација.

Надалеку познато гурманско доживување: Еве како се приготвуваат познатите сараевски ќебапи!