Пилешки мафини со јајца и зеленчук се одличен избор за оние кои се обидуваат да ја збогатат својата исхрана со протеини.
Состојки:
- 2 лажици путер
- 3 лажици сос од домати
- 1/2 лажичка мелена црвена пиперка
- 1 црвена пиперка исечена на коцки
- 2 чаши сецкан спанаќ
- 200 гр варено пилешко исечено на коцки (најдобро е да се користи бело месо)
- 8 јајца
- 1/2 лажичка сол
- 1/4 лажичка бибер
- 150 гр рендано сирење по ваш избор
Подготовка:
Загрејте ја рерната. Премачкајте калап за мафини или користете хартиени корпи за еднократна употреба.
Гответе ги пиперките и кромидот во путерот (на умерена температура) додека не омекнат (околу 5 минути). Додадете сос од домати и доведете до вриење. Исклучете ја топлината, а потоа додадете го спанаќот и претходно вареното пилешко. Промешајте така што смесата е рамномерна, а потоа распределете ја рамномерно во калапот за мафини.
Во друга чинија изматете ги јајцата со сол, бибер и мелена пиперка, па со таа смеса прелијте ги зеленчукот и месото. Печете на умерена температура околу дваесет минути, а на самиот крај додајте го сирењето.
Кога јајцата се зготвени и чепкалка за заби вметната во средината на мафините е чиста, јадењето е подготвено.
Чекајте тавата да се олади, а потоа извадете ги мафините и уживајте во нивниот вкус.
Предлог за десерт: Мини-чизкејк со капини и јагоди
ФОТО: Getty Images