Пробајте нешто поинакво: Пиле полнето со црн дроб – само за вистински гурмани!

Гозба

Пилето приготвено на овој начин е вистински деликатес!

Состојки:
  • 1 пиле од 1,5 кг
  • 70 г месеста сланина
  • 1 праз
  • 1 морков
  • 250 г пилешки црн дроб
  • 100 г печурки
  • 120 г ориз
  • мешавина суви зачини
  • црн пипер

За прилог:

  • 800 г компири
  • 80 г путер
  • неколку лажици млеко
  • сол

Приготвување:

1. Месестата сланина се сечка на коцки, празот и морковот исто така се сечкаат на коцки, печурките на ливчиња.

2. Пилешкиот црн дроб се одвојува од жилите и се сечка на коцки.

3. На тава на малку масло се пржи сланината, а потоа се додаваат празот и морковот, па сето тоа заедно кратко се пржи.

4. Се додава црниот дроб и се пржи додека ја промени бојата. Потоа се додаваат печурките и се продолжува со пржење додека омекнат печурките.

5. Се става оризот и се продолжува со динстање, додавајќи малку вода, додека набабри оризот. Пред крајот варивото се зачинува со мешавина суви зачини и црн пипер по вкус.

6. Пилето се посолува однадвор и однатре, а потоа се полни со приготвениот фил. Пилешката кожа се прицврстува со чепкалки за да не истече филот.

7. Тепсијата се обложува со хартија за печење и се попрскува со масло, а потоа се става полнетото пиле. Се пече во загреана рерна на 200°Ц, додека зарумени. Преостанатото ризото се користи како прилог на готовото јадење.

8. Посебно се варат компирите во солена вода, се гмечат и се соединуваат со путерот, се додаваат неколку лажици млеко и добро се промешува, па се послужува како прилог.

Извор: Добра храна

Вкусен и богат ручек што ќе ве засити: Пригответе пилешка мучкалица од рерна!
loading...
Прочитајте и

Оставете одговор

Вашата мејл-адреса нема да биде прикажана.

Ви благодариме за коментарот!

This site uses Akismet to reduce spam. Learn how your comment data is processed.

Сакаш посебен третман?
Зачлени се во елитниот клуб. Регистрирај ја својата е-адреса и добивај специјални понуди и вести
Одјава е можна во секое време