Пробајте го највкусниот полнет модар патлиџан: Ручек за вистинско уживање!

Состојки:

• 4 средни модри патлиџани
• 2 главици црвен кромид
• 450 г мелено говедско месо
• 150 г шампињони
• 100 г моцарела
• 1 лажица пипер
• бибер
• масло
• сол

За преливот:

• 30 г путер
• 2 лажици екстра бело брашно тип 400 на „Жито лукс“
• 300 мл млеко
• мускатно оревче

Приготвување:

1. Модрите патлиџани се мијат, па заедно со кората надолжно се сечат наполу. Се длаби пулпата и се сечка на помали парчиња, а внатрешноста на плодот се премачкува со масло.

2. Плехот се обложува со хартија за печење, па издлабените половинки се редат во него. Се печат во загреана рерна на 180°Ц, дваесетина минути.

3. Црвениот кромид се чисти и се сечка на коцки, па се пржи на малку масло. Се додава исечканата пулпа од модриот патлиџан и се пржи, со непрекинато мешање, додека омекне.

4. Се додава меленото месо, а потоа и шампињоните исечкани на листови. Понатаму се динста, со долевање по малку вода, додека сите состојки омекнат, а вишокот течност изврие. Пред крајот на динстањето се става пиперот, се посолува и забиберува по желба.

5. Посебно се приготвува преливот. Во помало тенџере се растопува путерот, па се додава екстра белото брашно тип 400 на „Жито лукс“ и кратко се пржи. Постепено се додава топлото млеко и се остава да се вари додека се згусне. Се зачинува со мускатно оревче и се посолува по желба.

6. По 20 минути печење, патлиџаните се вадат од рерната и се полнат со филот. Одозгора се прелеваат со бешамел-сосот и се посипуваат со коцки моцарела. Се враќаат во рерната да се допечат.

Извор: Добра храна

Ќе уживате во секое залаче: Пробајте полнети ролнички со модар патлиџан