Омиленото јадење на малку поинаков начин
Состојки:
- 6 листа тесто за лазањи
- 40 г путер
- 3 чешниња лук
- 500 мл павлака за готвење
- 50 г пармезан
- 600 г пилешко бело месо
- 1 пилешка коцка за супа
- 6 листа кашкавал гауда
- 10 пошироки листови тенко сечкана шунка
- сол
Приготвување:
1. Пилешкото бело месо се вари заедно со коцката за супа. Потоа се цеди од вишокот течност и се сечка ситно.
2. Путерот се топи во тава, а потоа се додава пасираниот лук и се пржи кратко, колку да замириса. Се става павлаката за готвење и се додава пармезанот, па сето тоа заедно кратко се пржи.
3. Приготвениот сос постепено се додава во вареното и сечкано пилешко месо, по потреба, да се добие густа смеса погодна за размачкување.
4. Кратко се попаруваат листовите тесто за лазањи, за да станат свитливи, а потоа се цедат. На работната масичка се става растеглива фолија, а преку неа се распоредуваат листовите тесто така што на краевите ќе се преклопуваат и ќе прават правоаголник.
5. Преку тестото се премачкува филот од пилешкото месо и се прекрива со ливчиња кашкавал. Се рола со фолијата.
6. Листовите шунка се редат на посебно парче растеглива фолија така што на краевите ќе се преклопуваат и ќе прават правоаголник. На долната страна на правоаголникот се става ролатот и сето тоа заедно се мота.
7. Ролатот се мота во алуминиумска фолија, се става во плех обложен со хартија за печење и се пече во загреана рерна на 180°Ц, околу 40 минути. Потоа се отстранува фолијата и продолжува да се пече уште 5 минути.
Извор: Добра храна