Хранлив ручек за целото семејство
Состојки:
- 7 пиперки
- 100 г ориз
- 4 лажици сечкани ореви
- 1 морков
- 1 главица кромид или праз
- 1 поголем домат
- 100 мл варен домат
- сув зачин и сол
- 3 чешниња лук
- мелен црвен пипер
- бибер
- масло
Приготвување:
На масло пропржете сечкан кромид и морков, додајте лук, црвен пипер, измиен ориз со ореви и сето тоа пропржете го малку. Додајте сол и малку зачини по желба, бибер.
Измијте ги пиперките и извадете ги семките. Садот за печење подмачкајте го со масло, наполнете ги пиперките и наредете ги. Затворете ги со резанки домат.
Преостанатите домати ставете ги помеѓу пиперките. Прелејте со доматен сос и сипете малку вода. Покријте со капак или со фолија. Печете на 220 степени околу еден час.