Полн со влакна и витамини, овој ручек им се препорачува на сите
Состојки:
- 200 г бел грав
- 200 г шарен грав
- 1 помала тиквичка
- 1 поголема главица кромид
- 4-5 чешниња лук
- лавров лист
- бибер, мелен и во зрна
- сол, сув зачин
- 1 лажица брашно
- 1 лажиче црвен мелен пипер
- 1 зелена пиперка
- лист од магдонос
Приготвување:
Исчистете го гравот и измијте го добро во неколку води. Прелејте го за да се натопи во водата и зовријте го неколку минути. Исцедете го и измијте го со ладна вода. Повторно сипете вода, додајте сечкан кромид, тиквичка на коцки, лавров лист, зрна бибер, зелена пиперка и оставете го да се вари. Во варениот грав додајте зачини, сол, бибер.
Во помало тавче, сипете малку масло па ставете сечкан лук, пропржете и додајте брашно и црвен пипер да се пропржи малку. Веднаш тргнете го тоа од оган и сипете ја запршката во гравот, па промешајте малку. Оставете го да врие неколку минути и на крај додајте лист од магдонос.