Полнети тиквички на италијански начин: Летен специјалитет, готов за половина час!
Лесно летно јадење
Божествена летна комбинација на состојки и многу лесна подготовка – ова јадење ќе ви стане омилено
Состојки:
- 2 големи тиквички
- 2 лажици маслиново масло
- 1/2 помал кромид
- 2 домати
- 100 г пармезан
- исечкан босилек
- сол, бибер по вкус
Приготвување:
Пресечете ги тиквичките во должина и издлабете ја средината. Ситно исечкајте ги остатоците.
Во тавче загрејте маслиново масло. Ставете исечкан кромид и пржете неколку минути додека омекне. Додајте го месото од тиквичките, исечкан домат, исечкан босилек, сол и бибер. Пржењето треба да трае околу пет минути со мешање.
Тиквичките наредете ги во огноотпорен сад и печете ги 6-7 минути во рерна загреана на 180 степени Целзиусови.
Извадете ги од рерна и наполнете ги со филот. Посипете тенок слој изрендан пармезан и вратете ги во рерна уште 10-15 минути, додека почнат да се создаваат меурчиња.
Добар апетит!