Изренданите тиквички добро се цедат за да не се распаѓаат плескавиците.
Состојки:
- 500 г мелено пилешко месо
- 1 млада тиквичка
- 2 помали јајца
- 1 лажиче копар
- 5 лажици лебни трошки
- 150 г моцарела
- сол
- масло
За прилог:
- 3 млади тиквички
Приготвување:
- Младата тиквичка се мие, ѝ се сечат врвовите, па заедно со кората се ренда крупно. Моцарелата се сече на крукчиња.
- Изренданата тиквичка добро се цеди, а потоа се соединува со меленото пилешко месо, пасираниот лук, јајцата, лебните трошки и копарот. Се посолува по желба, па добро се меша за да се добие изедначена смеса. Ако е смесата помека, по потреба се додаваат уште малку лебни трошки.
- Од приготвената смеса се обликуваат 7 топки. Секоја топка се истенчува, па на средината се става крукче моцарела, па краевите се преклопуваат кон средината, за да се залепат.
- Полнетите плескавици се спуштаат на врело масло со краевите свртени надолу. Се пржат прво од едната, а потоа и од другата страна, додека поруменат.
- Преостанатите тиквички се мијат и се сечат на крукчиња, се посолуваат и се печат во грил-тава. Се послужуваат како прилог со готовото јадење.
Фото: Getty Images