Ако не сте вешти во правењето пити. овој рецепт за палачинки е идеален за вас
Состојки:
- 6 готови палачинки
- 1 главица кромид
- ½ килограм слатка зелка
- 200 грама мелено месо
- масло
- бибер
- сол
- 2 јајца
- 200 милилитри јогурт
- 200 грама кисела павлака
- малку кашкавал
Поврзани објави
Приготвување:
На масло пропржете сечкан кромид, па додајте мелено месо, пропржете го и него, па додајте зелка и продинстајте ја. Додајте сол и бибер. Во палачинката ставете две лажици од филот, свиткајте ги рабовите, па смотајте ја.
Подмачкајте плех со масло и наредете ги палачинките. Изматете ги јајцата и додајте јогурт и павлака. Добро измешајте, па прелејте ги палачинките. Одозгора изрендајте кашкавал. Печете во рерна на 220 степени околу 20 минути.