Ќе бидете сити и презадоволни од вкусот
Состојки:
- 1 главица млада зелка
- 1 морков
- 1 праз
- 1 компир
- мешан зеленчук
- 1 лажица ајвар
- масло
- бибер
- 3 чешниња лук
- мелена пиперка
- 1 шолја варен домат
- 1 лажичка брашно
Приготвување:
Отсечете го врвот на зелката и извадете ја средината. На масло пропржете го сечканиот праз, додајте морков и сечкан зеленчук и сето тоа убаво динстајте го додека не омекне. Додајте сечкан компир, сечкан лук и сечкан магдонос.
Додајте лажица ајвар, зачини, бибер, сол и сето тоа добро измешајте го. Наполнете ја зелката со оваа смеса и поклопете ја со делот што го отсековте.
Прелејте ја со вода и загревајте ја околу 30 минути. На масло, пропржете брашно, додајте малку црвен пипер и варен домат и прелејте ја зелката со тоа. Додајте уште малку сол ако е потребно и сечкан лист од магдонос.
Варете уште минута-две и полнетата зелка е готова!