Наш предлог за денешниот ручек
Состојки:
- 350 г ситно сечкано пилешко месо
- 400 г сечкани свежи печурки
- 400 мл кисела павлака
- 1 главица кромид
- 2 јајца
- 150-200 г кашкавал
- 2 супени лажици презла
- масло
- Зачини: сол, бибер, сув зачин, лук во гранули, свеж магдонос
Приготвување:
Пропржете го кромидот на масло, па додајте го пилешкото месо, зачинете по вкус и испржете го, па ставете ги и печурките. Сето тоа заедно пржете го околу 10 минути. Потоа, префрлете го во огноотпорен сад.
Почнете со приготвувањето на преливот. Изматете 2 јајца, додајте павлака, кашкавал и презла, измешајте го сето тоа, па сипете го врз месото и печурките.
Печете го во рерна 20-25 минути. По желба, ставете уште кашкавал одозгора и вратете го во врела рерна неколку минути. Добар апетит!