Лесен ручек готов за половина час
Варијација на тема омилената салата: пилешко капрезе. Пробајте го овој едноставен рецепт за лесен летен ручек што се приготвува за половина час.
Состојки:
- 4 парчиња пилешко бело месо без коски
- 190 грама сос песто (една тегличка)
- 180 грама свежа моцарела, исечена на 12 кругови
- 4 домати, исечени на кругови
- 2 лажици маслиново масло
- сол и бибер по вкус
- 2 лажици оцет балзамико
- свеж босилек, исечкан
Приготвување:
Загрејте ја рерната на 180 степени. Во плех ставете хартија за печење. Белото месо ставете го во плех, ставете по една лажица сос песто на секое парче и протријте го. Одозгора ставете моцарела и кругови домати, прелејте со маслиново масло и додајте сол и бибер по вкус.
Ставете го во рерна и печете додека месото не биде целосно готово, 20 до 22 минути.
За уште подобар вкус, попрскајте го со малку балзамико и украсете го со свеж босилек. Послужете го топло.