Сочен филуван ролат од пилешко месо – одличен за ручек
Состојки:
- 700 г пилешко бело месо
- 7 листа кашкавал гауда
- 100 г кулен сечкан на крукчиња
- 3 јајца
- 200 г лебни трошки
- 40 г пармезан
- 150 г екстра бело брашно тип 400 на „Жито лукс“
- 250 мл тартар-сос
- 500 г компири
- црн пипер
- масло
- сол
Приготвување:
1. Пилешкото бело месо се сече на 6 стека, се истенчува преку најлонско кесе со толчник за месо, се посолува и забиберува.
2. Секое парче се прекрива со крукчиња кулен и се нанесува по еден лист кашкавал гауда. Бочните страни на стековите се превиткуваат 1 см кон средината, а потоа месото се рола.
3. Ролничките се валаат во екстра бело брашно тип 400 на „Жито лукс“, потоа во изматените јајца и на крајот во мешавината од лебни трошки и пармезан.
4. Панираните ролнички се пржат на врело масло додека заруменат од сите страни. Се вадат на хартиена салфетка, за да го впие вишокот маснотија.
5. Компирите се лупат и се сечкаат на стапчиња, па се пржат на врело масло. Похуваните стекови се послужуваат прелеани со тартар-сосот и со помфритот.
Извор: Добра храна