Пилешки паприкаш: Јадење што го јакне телото, го штити од болести и го подобрува варењето!
Здрав оброк
Нема ништо поздраво и повкусно од готвено јадење – исклучително важно е секој ден барем еден оброк да ви биде на лажица
Состојки:
- 500 г пилешко месо
- 500 г компир
- 1 јајце
- лавров лист
- 2 моркова
- 1 главица кромид
- 1 зелена пиперка
- 1 шолја домат, варен или мелен
- 1 лажиче зачинска пиперка
- 1 лажица брашно
- 1/2 лажица гриз
- 1 лажица сув зачин
- 50 мл масло
- лист од магдонос
- сол и бибер
Приготвување:
На масло динстајте сечкан кромид, додајте сечкан морков, како и сечкана зелена пиперка. Кога ќе се издинста, додајте го пилешкото па продолжете со динстање. Додајте зачинска пиперка, сув зачин, сол, лавров лист и варен домат, па прелејте со вода.
Кога месото ќе се свари, изматете јајце во помала чинија со лажица брашно и малку гриз, додајте многу малку вода и 1 лажиче масло, па изедначете.
Со лажица вадете кнедли и ставајте ги во паприкашот. Оставете го да се готви уште 10 минути додека омекнат кнедлите. Додајте малку бибер и лист од магдонос.