Вкус создаден за уживање
Состојки:
- 700 грама млади тиквички
- 100 грама пилешко филе
- 1 главица кромид
- 3 лажици кисела павлака
- лажиче мед
- 1 јајце
- 100 грама сирење
- 1 лажица масло
- сол
- бибер
- други зачини по вкус
Приготвување:
Исечкајте го пилешкото на коцки и ставете го во чинија. Измешајте мед, павлака, бибер и сол, па прелејте ги коцките пилешко, измешајте и оставете ги да се маринираат.
Исечкајте го кромидот и пропржете го на масло додека не омекне. Излупете ги тиквичките, измијте ги, па изрендајте ги крупно. Зачинете ги со малку сол, па измешајте ги и со рака исцедете го вишокот вода од тиквичките. Изрендајте го сирењето.
Во сад ставете ги коцките пилешко, прелејте ги со една изматено јајце, наросете ги со рендано сирење, па додајте го и пропржениот кромид. Добро измешајте, па додајте ги тиквичките и повторно промешајте. По желба, додајте уште сол или други зачини.
Префрлете ја смесата во сад за печење обложен со хартија за печење, израмнете ја и печете ја 40-50 минути на 200 степени.
Овој феноменален оброк од тиквички е одличен и за вечера. Не содржи многу калории, а многу е вкусен и сочен. Добар е како ручек во летните месеци, кога тешката и масна храна не ни годи поради жештините.