Пикантно пилешко во сос од манго и ориз со вргањ

Нашиот гастро-мајстор Бранко Попоски овој пат не’ изненади со пикантно пилешко во сос од манго и ориз со вргањ. Повеќе негови вкусни рецепти може да најдете на неговиот инстаграм-профил @cookingwithbranko.

Состојки:

• 1 кг пилешки стек
• 200 мл крем-павлака
• 1 манго
• 200 мл млеко
• 1 мала шолја бело вино
• 2 шолји ориз
• 200 гр вргањ
• чили
• сол
• бибер
• босилек
• 2 лажици путер
• рукола
• пармезан

Приготвување:

1. Ставете го стекот да отстои во млеко 10 часа, па згответе го во претходно загреано тавче со 2 лажици путер. Динстајте го зачинетиот стек околу 15-20 минути.

2. Додајте шолја бело вино и манго сечкано на коцки, загревајте 15-20 минути, па додајте крем-павлака и загревајте додека зоврие.

3. Настрана пригответе го оризот со вргањ.

4. Сервирање: во тркалезна чинија ставете топка од приготвениот ориз со вргањ, па врз него додајте го пилешкото со манго и украсете со рукола и пармезан.

Уживајте во овој вкусен специјалитет!

Извор: Добра храна