Уживајте во богатиот вкус за само 30 минути
Песто-тестенините со пилешко месо намамуваат со својата боја, а толку се едноставни за приготвување што претставуваат вистински спас за динамичните работни денови. Овој оброк од неколку состојки, едно тенџере, кој се приготвува за 30 минути со едноставен рецепт, навистина е сонот на секој мрзелив готвач.
Ако ви останат тестенини, ова јадење може да го чувате во херметички затворен сад во фрижидер до 3 дена. Ако не ви пречи ладна паста, препорачуваме остатоците да ги јадете ладни наместо повторно да ги подгревате – тешко е повторно да се подгрее овој сос за тестенини, без да се претвори во масна бара.
Состојки:
- 2 лажици екстра девствено маслиново масло
- 2 пилешки филети без кожа и коски (околу 450 г вкупно), исечкани на парчиња од околу 2,5 сантиметри
- сол, по вкус
- 4 чешниња лук, ситно сечкан
- 1/4 лажиче чили-снегулки, по вкус
- 420 мл вода
- 180 мл павлака за готвење
- 225 г пене-тестенини
- 30 г пармезан, ситно рендан
- 160 г песто-сос
- свеж босилек за сервирање (по желба)
Поврзани објави
Приготвување:
Во средно тавче на средна температура загрејте масло. Додајте го пилешкото и зачинете со 3/4 лажиче сол. Пржете со повремено мешање, додека зарумени, околу 4 до 5 минути. Префрлете го на чинија.
Во истото тавче на средна температура пропржете лук и чили-снегулки, со постојано мешање додека замириса, околу 30 секунди. Додајте вода, павлака за готвење и 1/2 лажиче сол и оставете да зоврие.
Ставете ги тестенините и оставете ги да се варат со повремено мешање, додека станат ал денте и течноста се намали на сос што ќе ги покрива тестенините, 8 до 10 минути.
Додајте пармезан и пилешко месо и мешајте додека кашкавалот се стопи, а пилешкото се загрее, околу 2 минути. Тргнете го од рингла и додајте песто. Ако сосот ви се чини сув, додајте вода, лажица по лажица, додека се формира кремлив сос. Зачинете со уште сол, ако е потребно. Посипете со босилек, ако користите.