Ова е најздравиот ручек на светот: Вкусен, брзо се приготвува, а топи килограми!
Сојузник за вита линија
Ако барате нешто вкусно а брзо, имаме одлична идеја
Овој ручек е полн со витамини и минерали, но и многу е вкусен. Одлична идеја за сите оние што сакаат да изгубат по некој килограм или едноставно да се хранат здраво.
Кафеавиот ориз, кој е главната состојка на овој оброк, изобилува со манган, селен и влакна. Храната богата со влакна го одржува чувството на ситост, па затоа се препорачува за луѓето кои сакаат да изгубат вишок килограми.
Покрај тоа што е богат со влакна, интегралниот ориз постепено испушта шеќер во крвотокот, а високата содржина на магнезиум помага за регулирање на нивоата на шеќер во крвта.
Состојки:
- 100 г интегрален ориз
- 50 г бело месо
- 1 пиперка
- 1 морков
- половина главица кромид
- 1 компир
- 1 тиквичка
- масло
- сол
- бибер
Приготвување:
Зеленчукот и белото месо исечкајте ги на коцки и пропржете ги на малку масло. Во тенџере ставете го оризот, прелејте го со вода и варете го на тивок оган. Кога оризот ќе почне да набабрува, додајте го зеленчукот што сте го приготвиле и месото и гответе додека оризот омекне. По желба, посолете и забиберите. Добар апетит!