За приготвување на јадењето можете да користите различни видови ситни тестенини
Состојки:
- 1 помала главица црвен кромид
- 3 чешниња лук
- 150 г месеста сланина
- 450 г пилешко бело месо
- 350 г тестенини
- 350 мл пилешка супа
- 350 мл павлака за готвење
- 50 г рендан пармезан
- 150 г моцарела
- босилек
- 1 лажиче путер
- масло
- сол
Приготвување:
1. Црвениот кромид се чисти и се сече на коцки, а лукот на плочки.
2. Сланината се сече на стапчиња, а пилешкото бело месо на коцки.
Поврзани објави
3. На малку масло се растопува путерот, па се додаваат црвениот кромид и лукот, па кратко се пропржуваат.
4. Се додава сланината и се пржи додека замириса. Потоа се додава пилешкото месо и се продолжува со пржење, со постојано мешање, додека месото ја промени бојата.
5. Се додава пармезанот, па се сипува мешавината од супа и павлака, а потоа се вари додека зоврие.
6. Се додаваат тестенините, босилек и зачини по желба. Потоа се вари на умерена температура, повремено мешајќи, додека тестенините ја впијат течноста и не набабрат.
7. Потоа смесата се префрла во огноотпорен сад, се посипува со рендана моцарела и се потпекува во рерна дваесетина минути.
Побарајте уште вакви вкусни предлози за ручек во најновиот број на магазинот „Добра храна“.
