Кинеското пилешко месо ќе ве воодушеви
Состојки:
- 600 г пилешко бело месо
- 1/2 шолја од 200 мл екстра бело брашно тип 400 на „Жито лукс“
- 1/2 шолја од 200 мл густин
- бибер
- масло за пржење
- сол
За сосот:
- 3 лажици масло
- 3 чешниња лук
- 2 лажици мед
- 70 мл соја-сос
- 60 г кечап
- 1 лажица доматно пире
- 2 лажици јаболков оцет
- 2 лажичиња густин
- малку вода по потреба
- 1 праз
- 2 лажици сусам
Приготвување:
1. Пилешкото месо се сечка на коцки 2 х 2 см, се додаваат сол и бибер.
2. Во сад се комбинираат густинот и екстра белото брашно тип 400 на „Жито лукс“, а потоа се додава пилешкото месо и се промешува да се залепи смесата за месото.
3. На врело масло се пржи похуваното пилешко месо, додека зарумени. Се вади со шуплива лажица и се става на хартиена салфетка да се впие вишокот маснотија.
4. Посебно се комбинираат сосот од соја, медот, кечапот, доматното пире, јаболковиот оцет и густинот во тава и се меша со жица да се добие еднолична смеса. Се додава изренданиот лук и сето тоа заедно кратко се пржи. Се става малку вода (100 – 150 мл) и се вари додека зоврие.
5. Се додава пилешкото месо и се промешува, на крајот се додава празот исечкан на коцки и повторно се промешува.
6. Готовото јадење се посипува со сусам.
Извор: Добра храна