Ако не сте љубители на меленото месо, пробајте ги овие лазањи со компири
Состојки:
- 1,3 кг бел компир
- 300 г исечена шунка
- 250 г кашкавал
- 350 мл павлака за готвење
- 3 јајца
- 40 г пармезан
- сол
Приготвување:
1. Измијте го белиот компир, па заедно со кората сварете го во зовриена вода, внимавајќи да не се превари. Потоа оставете го да се олади, па излупете го и исечете го на резанки.
Поврзани објави
2. Посебно помешајте ги павлаката за готвење, јајцата и пармезанот.
3. Ставете малку од павлаката во огноотпорен сад, па преку него наредете резанки компир и прелејте ги со малку прелив. Потоа наредете резанки шунка, а најпосле ливчиња кашкавал. Истата постапка повторувајте ја додека го потрошите целиот материјал. Завршете со прелив од павлака.
4. Печете во загреана рерна на 200 степени Целзиусови додека порумени.
Напомена: Оставете ги печените лазањи пред послужувањето да се оладат, за да можете уредно да ги исечете на квадрати.
Извор: Добра храна