Не сте пробале подобар: Овој пилешки ражнич ќе им пружи незаборавно уживање на вашите сетила
Прсти да излижете!
Направете ражнич што е 100 пати подобар од оној во рестораните
Приготвувањето на овој рецепт не е воопшто тешко, ќе ви требаат само стапчиња за ражничи.
Потребни состојки:
- 500 грама пилешки гради
- 1 лажичка кумин
- 1 лажичка мајчина душица
- 1 лажичка оригано
- 1 лажичка црвен пипер
- 100 грама фета сирење
- 1 павлака
- 1 лажица мајонез
- сок од половина лимон
- ситно сечкан свеж магдонос
- домат
- зелена салата
- сечкана зелка
- пченка
- кромид
- тортилји
- масло
- сол и бибер
Поврзани објави
Приготвување:
- Исечкајте го месото на поголеми парчиња, па ставете го во мешавина од кумин, мајчина душица, оригано и црвен пипер.
- Додајте и малку масло и добро извалајте го месото, па набодете го на стапчиња за ражничи.
- Загрејте малку масло на тавче и пржете ги ражничите додека не бидат готови.
- За тоа време, загрејте ја тортилјата и исечкајте го зеленчукот.
- Може да користите зеленчук по желба.
- Направете го сосот така што ќе измешате павлака, мајонез, лук, сок од половина лимон и ситно сечкан магдонос.
- Кога месото ќе биде готово, исечете го со нож од сите страни на стапчето за да добиете парчиња што потоа ќе ги завиткате во тортилја.
- Месото можете и да го извадите од стапчињата, па на коцки да го додадете во тортилјите.
- На загреаната тортилја додајте сос, наредете го зеленчукот и фета сирењето, па додајте месо и завиткајте. Тортилјата нека биде добро зацврстена за да не ви испаѓаат додатоците, а ако сакате да бидете сигурни дека сè ќе си остане на место, може да ја завиткате и во фолија.