Најздравиот оброк на светот: Ваквиот ручек го чува здравјето и ги топи килограмите за рекордно време!
Мора да пробате!
Нутриционистите го откриле рецептот за идеален оброк што го чува здравјето, но и линијата
Буда-чиниите се јадења што се приготвуваат во поголеми чинии, со комбинација на свежи намирници, така што формираат супер-оброк полн со витамини, минерали, протеини и други благотворни состојки за нашиот организам. Освен тоа, убаво изгледаат.
Во Азија културата за храна е многу истанчена, Азијците посветуваат особено внимание на храната и здравата исхрана, речиси и да не консумираат млечни производи, месо јадат во посебни пригоди, повеќе внесуваат овошје и зеленчук, па затоа се сметаат за најздрава нација.
Главната состојка на овој оброк се леблебиите, а кога станува збор за биохемискиот состав на леблебијата, исушеното зрно на оваа мешунка содржи 23% протеини, 53% јаглехидрати, 4-5% растително масло, 3-5% целулоза и 3% минерални материи.
Леблебијата несомнено е еден од најдобриот извори на протеини, влакна, витамини Б6, железо и магнезиум.
Освен што овој оброк го чува здравјето на целиот организам, тој помага и за слабеење, бидејќи го сочинуваат нискокалорични состојки кои лесно се варат.
Заменете го вообичаениот ручек со буда-чинија на здравјето и ќе забележите драстична разлика.
Состојки за 2 лица:
- 1 шолја варена леблебија
- 1 тиквичка
- 1 помал црвен кромид
- 2-3 лажици маслиново масло
- 2 моркова
- 1 шолја варена пченка
- 1 црвена пиперка
- 3 лажици таан
- сок од половина лимон
- 1 чешне лук
- сол и бибер по вкус
- 1/2 лажиче црвен пипер
- печени семки по желби
- свежи листови магдонос
- маслинки (по желба)
Приготвување:
На маслиново масло динстајте исечкан кромид неколку минути, па додајте морков и тиквичка исечкани на коцки. Динстајте уште 10 минути, додајте мелен пипер, па сипете малку вода и поклопете. Гответе со мешање додека водата испари и зеленчукот омекне.
При крај, додајте ја варената леблебија, сол и зачини по желба. Таанот измешајте го со сок од лимон и ситно сечкан лук, па додајте сол и бибер по вкус.
Во длабока или плитка чинија, декорирајте ја леблебијата со зеленчук, сечкан свеж домат и црвена пиперка, варена пченка и прелив од таан. По желба, можете да додадете зелени или црни маслинки. Посипете со печени семки и свеж лист од магдонос.
Добар апетит!