Ред компири, ред мелено месо, ред бешамел и ќе добиете вкусен и совршен оброк
Состојки:
- 500 г мелено јунешко месо
- 400 г компири
- 1 лажиче цимет
- 1 лавров лист
- 400 г сечкани домати
- 1 средна главица кромид
- 1 чешне лук
- 1 лажица концентрат од домати
- 3 лажици маслиново масло
- сол
- бибер
За сосот бешамел:
- 60 г путер
- 60 г брашно
- 700 мл млеко
- мускатно оревче на врв од ножот
- сол
- бибер
Приготвување:
- Излупете ги компирите, па исечкајте ги на резанки, бланширајте ги во зовриена вода 2-3 минути и исцедете ги.
- Во подлабоко тавче загрејте маслиново масло, па додајте ситно сечкан кромид и динстајте 7-8 минути додека омекне.
- Додајте ситно сечкан лук и динстајте уште 2 минути.
- Додајте мелено месо, добро иситнете го, посолете го и забиберите го, па додајте цимет, концентрат од домати и сечкан домат.
- Динстајте уште 10 минути.
- Во посебен сад пригответе го сосот бешамел: во поширок сад стопете путер, додајте брашно и кратко пропржете.
- Додајте загреано млеко, постојано мешајќи за да не се направат грутки.
- На самиот крај додајте сол, бибер и малку мускатно оревче, па добро измешајте.
- Оставете го сосот да се олади. Ако е прегуст, разредете го со млеко до посакуваната густина.
- Сад за печење премачкајте го со маслиново масло, па наредете го првиот ред со компири, додајте го сосот од мелено месо, израмнете со лажица, па додајте неколку лажици бешамел и покријте со втор слој компири.
- Повторувајте го тоа додека ги потрошите сите состојки, така што последниот слој ќе биде ред компири, кои ќе ги прелиете со преостанатиот сос бешамел.
- Печете во претходно загреана рерна на 200 степени Целзиусови 30-40 минути, односно додека површината добие убава златна коричка.
- Оставете ја мусаката да се олади 10-15 минути, па послужете ја со зелена салата.