Ова јадење го намалува чувството на тежина наутро и го освежува организмот
Ако често ви се случува да се разбудите наутро со чувство на подуеност и тежина во стомакот, проблемот не е во количината на храната, туку во изборот на вечерата. Лесните, едноставни оброци што лесно се варат можат да направат огромна разлика во тоа како се чувствувате наредниот ден.
Исто така, многу е важно и во кое време е вашиот последен оброк, а нутриционистите препорачуваат тоа да биде најдоцна 2 часа пред да легнете да спиете.
Ако барате вечера која е лесна за стомакот, а притоа не е здодевна и блантава, ова е идеалната комбинација. Состојките се едноставни, а резултатот е вкусен оброк кој лесно се вари и не предизвикува чувство на тежина утредента.
Состојки:
- 1 мисиркино филе
- 1 тиквичка
- 1 морков
- 1/2 лимон (сокот и кората)
- 1 лажиче маслиново масло
- сол и бибер по вкус
- прстофат оригано или мајчина душица
- малку магдонос
Приготвување:
1. Загрејте ја рерната на 200 степени Целзиусови.
Поврзани објави
2. Зачинете го мисиркиното месо со сол, бибер, лимонов сок и малку рендана кора од лимон.
3. Исечкајте ги тиквичката и морковот на стапчиња или крукчиња.
4. Сето тоа ставете го во плех, додајте лажиче маслиново масло и зачини и добро промешајте. Печете 20-25 минути, додека месото омекне, а зеленчукот добие златна боја.
5. На крајот, посипете свеж магдонос.
Зошто оваа вечера е добра за стомакот?
Мисиркиното месо е лесен протеин кој брзо се вари, додека тиквичката и морковот не го оптоваруваат дигестивниот систем. Лимонот го поттикнува варењето и дава освежителен вкус кој го намалува чувството на тежина по оброкот.
ФОТО: Freepik