Пица за појадок? Може!
Гастро-инфлуенсерката Валентина Муси одлучила да ги изненади своите следбеници на Инстаграм со нов вкусен експеримент.
„Видов многу слатки рецепти од кои се прават мини-верзии, кои потоа се јадат како утрински житарици, но воопшто нема солени опции. Сите обожаваат пица, па одлучив да направам пица-снегулки“, открила Муси.
Сѐ што ви треба е тесто за пица, моцарела, сос од домати, како и додатоци по желба.
Исечкајте мали кругови од тестото, наредете ги на хартија за печење, додајте сос од домати, сирење и додатоци.
Печете ги осум минути на 200 степени Целзиусови додека станат крцкави.
https://www.instagram.com/p/CAS4-q1hY-_/?utm_source=ig_embed
Муси вели дека постојат две причини зошто луѓето го обожаваат овој тренд со житарки.
„Прво, во карантин луѓето имаа многу слободно време, па во кујната испробуваа сѐ и сешто. Втората причина е што на луѓето им е слатка мини-верзијата на храната. Сепак, многумина ми се заблагодаруваат што не ја прелеав мојата верзија на житарки со млеко“, рекла Муси.