Медено пилешко во сланина: Необична фантазија од вкусови што засекогаш ќе ве освои
Совршенство!
Пикантното и сочно пилешко одлично оди со салата од кисела зелка или со печени јаболка
Состојки:
- 1 парче пилешко бело месо (околу 400 г)
- 10-15 тенки резанки димена сланина
- 1 полна лажичка мед
- 1 полна лажичка сенф
- сок од 1 лимон
- бибер
- толчена лута пиперка
Поврзани објави
Напомена: Ако димената сланина е многу солена, нема потреба да го посолувате месото.
Приготвување:
- Вклучете ја рерната да се загрее на 250 степени Целзиусови и додека таа се грее, исечете го пилешкото во должина на тенки стапчиња.
- Од бело месо од 400 г може да исечете десетина стапчиња, што не се ни премногу мали, ни премногу големи. Ако сакате да направите поситни залчиња, тогаш исечкајте ги поситно.
- Помалите ролнички може да ви послужат како залчиња што ќе ги набодете на чепкалки како мезе. Секако дека на помалите парчиња ќе им треба и пократко печење.
- Посолете го месото, зачинете го со бибер и наросете го со малку толчена лута пиперка.
- Во чинија измешајте сок од лимон, сенф, мед и пиперка.
- Сето тоа добро измешајте го и со таа смеса премачкајте ги од сите страни пилешките стапчиња замотани во сланина.
- Ставете ја тепсијата во загреана рерна и печете десетина минути.
- Извадете ја тепсијата, свртете го месото и печете уште десетина минути или додека зарумени месото.