Пробајте го спанаќот приготвен на овој начин
Состојки:
- ½ килограм спанаќ
- 1-3 врзопи млад кромид
- 200 милилитри млеко
- 1 лажица кисела павлака
- 200 грама сирење
- 3-4 чешниња лук
- 3 јајца
- масло
- сол
- бибер
- зачини
- малку кашкавал
Приготвување:
На масло пропржете го сечканиот млад кромид, па додајте го сечканиот лук и сечканиот спанаќ. Пропржете го за да испари течноста. Тргнете од рингла, додајте малку зачини, сол и бибер. Издробете го сирењето со виљушка, додајте павлака и млеко, па измешајте.
Кога ќе се излади спанаќот, додајте сирење со јајца и измешајте. Подмачкајте плех со масло, па ставете го спанаќот. Наросете со рендан кашкавал и печете околу 35 минути на 200 степени Целзиусови, ако треба и подолго за да испари целата течност. Пред крајот, ставете едно јајце во средина.