Ви предлагаме уште еден брз рецепт – уживајте
Состојки:
- 1 помала тиквичка
- 2 јајца
- 180 мл кисела павлака
- 100 г сирење
- 100 мл млеко
- 50 мл масло
- 1 кесичка прашок за печиво
- 250 г кори за пита
- 3 лажици гриз
- сусам за посипување, по вкус
Приготвување:
Во сад ставете јајца, павлака, млеко, масло, гриз, сирење и прашок за печиво и добро промешајте. Потоа, додајте ги ренданите и добро исцедени тиквички и сето тоа измешајте го. Корите исечете ги на ленти.
Добиените ленти растресете ги со раце, додајте ги во смесата од јајца и сирење, па сето тоа промешајте го. Сипете ја смесата во 12 кошнички, посипете ја со сусам и печете ја на 180 степени околу половина час.