Ако сте на диета, оваа мусака е вистинскиот избор за вашиот денешен ручек
Состојки:
- 600 г млад компир
- 4-5 зелени пиперки
- 1 праз
- 1 морков
- 50 г ориз
- црвен пипер
- 1 поголем домат
- сол
- мешавина од зачини
- лук во гранули
- масло
Приготвување:
Поврзани објави
На масло пропржете го сечканиот праз, па додајте сечкан морков, а потоа и сечкана пиперка. На крајот, додајте го излупениот и исечкан на коцки домат.
Кога сето тоа ќе се пропржи, додајте зачини и сол. Тргнете го од рингла. Сварете го малку оризот. Исчистете го компирот и исечете го на листови. Во него додајте црвен пипер, бибер, лук и малку зачини по вкус. Додајте и масло и добро измешајте.
Добро премачкајте плех со масло. На дното наредете половина од компирите, а во средина ставете ја пржената пиперка и распоредете ја. Врз неа, ставете го сварениот ориз, па одозгора наредете ги преостанатите компири. Можете да додадете уште малку масло и печете 45-50 минути во рерна на 200 степени Целзиусови.