И најголемите љубители на месо ќе го обожаваат: Здрав бургер со плескавица од компир!
Гастро-мајстори
Рецепт на Десанка Накева
Гастро-мајсторката Десанка Накева е вистинска експертка кога станува збор за приготвување вкусни и здрави рецепти. Овие бургери, кои несомнено ќе го задоволат вкусот и на најстрасните љубители на месо и брза храна, се одличен пример за тоа! Побарајте ги нејзините специјалитети на инстаграм-профилот @morerecipes_foryou.
Состојки:
- 6 средни компири
- 2 лажичиња масло
- 1/4 чаша грчки јогурт/павлака
- 1 лажица пармезан
- 1/8 чаша лебни трошки
- 1/2 чаша интегрално брашно
- сол
- оригано
- црн бибер
Приготвување:
1. Компирите ставете ги во сад со вода и со малку сол варете ги 30-40 минути. Треба да бидат убаво сварени.
2. Откако ќе се сварат, испасирајте ги како за пире. Во садот со компирите додајте павлака и масло и измешајте.
3. Додајте ги преостанатите состојки и зачинете. Треба да добиете густа нелеплива смеса.
4. Загрејте малку маслиново масло во тава на средна температура.
5. Земајте по една лажица од смесата и со рацете формирајте плескавици. Доколку ви се лепи тестото, можете да ги намрсите рацете.
6. Пржете ги плескавиците 4-5 минути од двете страни, додека поруменат.
7. Декорирајте го бургерот со зелена салата и сос по желба.
Извор: Добра храна