Пилешкото месо е идеално за приготвување гурмански деликатеси
Состојки:
- 1 пиле од 1,5 кг
- 1 главица црвен кромид
- 120 г месеста сланина
- 1 китка магдонос
- 2 поголеми резанки леб
- 1 јајце
- ½ лажиче мелен пипер
- црн пипер
- сол
- масло
Приготвување:
1. Пилето се сече по средината на градите, а потоа внимателно со помош на нож за филетирање се одвојува месото од коските. Потоа месото се одвојува и од кожата, водејќи сметка за тоа да остане неоштетена.
2. Белото месо се сече на тенки шницли и со нив се прекрива пилешката кожичка. Се нанесува проѕирна фолија и месото нежно се истенчува со толчник.
Поврзани објави
3. Батаците, одвоени од коските, се сечат на покрупни парчиња и се мелат.
4. На малку масло се пропржува сечканиот црвен кромид, а потоа се додава сечканата сланина, па и таа кратко се пропржува.
5. Резанките од леб се натопуваат со вода, а потоа се цедат од течноста и се ситнат.
6. Мелените батаци се соединуваат со пржената сланина и кромидот, се додаваат и мелениот леб, сечканиот магдонос, јајцето, мелениот пипер и зачини по желба. Добро се мешаат состојките.
7. Преку пилешкото бело месо се распоредува филот од меленото месо, па цврсто се мота во ролат. Сето тоа се витка во фолија и се пече во загреана рерна на 200 степени, околу 60 минути. Потоа се отстранува фолијата и се продолжува со печењето додека порумени месото.
Извор: Добра храна