Некои велат дека гулашот е јадење што ја грее душата, а ние сметаме дека ова јадење го собира семејството
Состојки:
- 500 грама свинско месо (сечкано на коцки)
- 3 главици кромид (ситно сечкани)
- 2 моркова
- 3 чешниња лук
- 2 лажици маст
- 1 децилитар бело вино
- 200 грама пасирани домати
- лавров лист
- сува мелена пиперка
- бибер
- сол
- малку сув зачин
- свеж магдонос
- варени макарони или широки јуфки
Приготвување:
На маст, продинстајте ги ситно сечканите кромид и лук, а потоа додајте ги морковите и месото. Сето тоа поселете го, ставете мелена црвена пиперка, мешавина од зачини и бибер. Додајте и лавор.
Поврзани објави
Оставете го сето тоа да се крчка околу 5 минути со повремено мешање. Потоа додајте и вино и оставете го јадењето да се крчка уште десетина минути. Потоа додајте и вода за да ги покрие месото и зеленчукот.
Оставете го сето ова да се готви околу еден час. Пробајте го јадењето за да видите дали е доволно солено. Потоа, во пасираните домати додајте малку брашно и уште зачини ако јадењето не е доволно солено.
Доматите со едната лажица брашно ставете ги во гулашот. Оставете го јадењето да зоврие, а потоа додајте и ситно сечкан магдонос и исклучете ја ринглата.
Во посебно тенџере сварете ги макароните. Сварените тестенини сипете ги во чинија и прелејте ги со врелиот гулаш.
Ако сакате, можете да изрендате и тврдо сирење врз јадењето. Добар апетит!