Гравче-тавче со рипче

За 5 лица

Вистински специјалитет за љубителите на риба, во кој ќе уживаат и оние што претпочитаат мевце. Добар апетит!

Состојки:

  • 500 г бел грав
  • 3 главици црвен кромид
  • 2 поголеми моркови
  • 1/2 помал корен целер
  • 200 г шампињони
  • 2 лажици буковец
  • 250 мл доматен сок
  • 5 котлети од лосос
  • бибер
  • 2 филтер ќесиња чај од нане
  • 2 лаврови листа
  • 3 чешниња лук
  • сол
  • масло

Приготвување:

Гравот се става во тенџере, се прелева со вода и се вари додека зоврие. Потоа се цеди, се истура водата и гравот се прелева со свежа млака вода. Се додаваат 2 ќесиња чај од нане, се поклопува и се вари додека омекне гравот.

Се лупи кромидот и се сечка на коцки, морковите и целерот исто така се сечкаат на коцки. Шампињоните се сечкаат на ливчиња, а лукот се гмечи.

На малку масло се пржат кромидот и лукот, а потоа се додаваат морковите и целерот и сето тоа заедно се пржи. Се додаваат печурките и се продолжува со пржење, додека изврие вишокот течност.

Се цеди варениот грав од течноста, се вадат ќесињата чај и се чува течноста.

Во тенџерето со зеленчукот се додаваат исцедениот грав, буковецот, лавровиот лист, малку сол и бибер по вкус. По потреба, се става малку од течноста од гравот, за да се добие погуста смеса.

Смесата се префрла на плех и одозгора се ставаат рибјите котлети. Се пече во загреана рерна, додека омекнат сите состојки и изврие вишокот течност.

Текст: Добра храна

Прочитајте и
Оставете одговор

Вашата мејл-адреса нема да биде прикажана.

Ви благодариме за коментарот!

This site uses Akismet to reduce spam. Learn how your comment data is processed.

Сакаш посебен третман?
Зачлени се во елитниот клуб. Регистрирај ја својата е-адреса и добивај специјални понуди и вести
Одјава е можна во секое време
X