Пригответе домашен деликатес од тестенини
Состојки:
- 400 г тестенини по желба
- 200 г сланина
- 250 г пилешко бело месо
За сосот:
- 50 г путер
- 2 чешниња лук
- 200 г крем-сирење
- 500 мл павлака за готвење
- 50 г пармезан + 20 г за посипување
- мускатно оревче
- бибер
- сол
Приготвување:
1. Тестенините се варат во солена вода, а потоа се цедат од вишокот течност.
2. Се вари и пилешкото бело месо, а потоа се сечка на коцки.
3. Сланината се сечка на ливчиња и се пржи на сува тефлонска тава. Се префрла на хартиена салфетка да се исцеди вишокот маснотија.
4. Се топи путерот во тава, а потоа се додава пасираниот лук и кратко се пропржува. Се додаваат крем-сирењето и павлаката за готвење, па се загрева, со непрекинато мешање, додека зоврие. Се додава ренданиот пармезан и се промешува.
5. Се додаваат сварените и исцедени тестенини, се додава исечканото пилешко месо и се промешува. Се додаваат сол и бибер по вкус. Готовите тестенини се посипуваат со пржената сланина и со ренданиот пармезан.
Извор: Добра храна