Брз ручек во кој ќе се вљубите на прво залче: Тортилја полнета со сирење, зеленчук и пилешко!
Ќе се воодушевите!
Шарени залчиња што сигурно ќе ги обожавате
Тортилјата е познат специјалитет од мексиканската кујна и многу е едноставна за приготвување.
Потребни состојки:
- 6 тортилји
- 300 грама сирење
- 1 парче пилешки гради
- 1 црвена пиперка
- 1 жолта пиперка
- 1 кромид
- 340 грама конзервирана слатка пченка
- 1 лажичка сушена мајчина душица
- сол
- бибер
- маслиново масло
Приготвување:
- Исечкајте ги пилешките гради на тенки парчиња и прелијте ги со неколку лажици маслиново масло, додајте мајчина душица и добро измешајте.
- Оставете го месото да отстои додека ги приготвувате останатите состојки.
- Исчистете го кромидот, па исечкајте го на листови. Исчистете ги пиперките, па и нив исечкајте ги на тенки ленти. Изрендајте го сирењето и исцедете ја пченката.
- Загрејте тавче, па во него кратко испржете го пилешкото (ќе ви требаат околу 5 минути ако го исечкате месото тенко).
- Посолете и зачинете со бибер.
- Извадете го месото, па во истото тавче, пропржете ги кромидот и пиперката околу 7-8 минути и исто така посолете ги малку.
- По потреба, додајте малку маслиново масло.
- Потоа, вратете го пилешкото, додајте пченка, сето тоа добро измешајте го и по една минута исклучете ја ринглата.
- Поклопете го тавчето за да не се лади филот.
- Загрејте друго пошироко тавче, премачкајте го малку со маслиново масло, па почнете да ја загревате тортилјата.
- Штом се загрее, на неа распоредете го ренданото сирење, а врз сирењето ставете неколку лажички од филот со пилешко и зеленчук, па преклопете еден дел од тортилјата врз другиот (во форма на полумесечина).
- Добро загрејте ја од двете страни, па извадете ја од тавчето, исечкате ја и послужете ја со сос од јогурт или авокадо.