Штом ќе се појават тиквичките на пазарот, во кујната се отвора нов свет. Од нив може да се направат голем број деликатеси, евтини се, лесни за приготвување и одлично се согласуваат со сите други намирници.
Состојки:
3 тиквички
250 г мелено месо
1 кромид
1 шолја ориз
1 лажиче сол
1 лажиче бибер
1 лажиче црвен пипер
масло по потреба
ЗА ПРЕЛИВАЊЕ:
4 лажици кечап
3 парчиња јајца
3 лажици брашно
1 шолја кисело млеко
Приготвување:
На масло, пропржете сечкан кромид и месо, па кога месото ќе добие убава боја, додајте рендани тиквички и зачинете по вкус.
Извадете ја смесата од тавата, па додајте уште малку масло и измиениот ориз.
Оризот динстајте го притоа додавајќи вода додека се свари до пловина.
Измешајте сè во плехот во кој ќе ја печете мусаката, а потоа израмнете ја површината и премачкајте со кечап.
Изматете ги јајцата, измешајте ги со брашното и киселото млеко, па прелијте ја смесата врз мусаката и печете околу 40 минути, на 180 степени.
Текст: Добра храна