За љубителите на телешкото месо, издвоивме превкусен и модерен рецепт за приготвување на популарниот деликатес – бифтек!
Состојки: 300 г телешки бифтек, 200 г зеленчук (морков, брокула, тиквичка, модар патлиџан, печурки, пиперки), 20 г сенф, маслиново масло, сол, црн пипер, тост-леб
Приготвување: морковот го лупиме и го сечкаме на долгнавести ленти и го ставаме да се вари.
Брокулата исто така ја ставаме да се вари.
Бифтекот го премачкуваме со сенф и го зачинуваме со сол и со црн пипер. Го ставаме да се пече во грил-тава.
Поврзани објави
Тиквичката и модриот патлиџан ги сечкаме на кругови, а пиперките на долгнавести ленти.
Откако ќе ги свариме морковот и брокулата, ги пропржуваме во тава со маслиново масло и зачин. Истото тоа го правиме и со тиквичката, модриот патлиџан, пиперките и со печурките.
Сервирање: тост-лепчето го ставаме како подлога на бифтекот. Бифтекот го ставаме врз лепчето. Декорираме со неколку шери-домати, киви и со цитрон.
Текст: Н. Човиновска
Фото: Александар Велов