Бифтек во сос од црвено вино, со пире од целер и со глазиран морков

Плус 3 совети за избор и приготвување месо

Сигурни сме дека љубителите на телешко месо ќе уживаат во вкусот на овој деликатес.

СОСТОЈКИ:

Месо: 200 г бифтек, сол, црн пипер;

Пире: 60 г целер, 2 дл млеко, 5 г путер, сол, црн пипер; Зеленчук: 30 г морков, 20 г брокула, сол, коцка путер;

Сос: 1 дл црвено вино, 10 г шеќер, 5 г путер, 1 чешне лук, 1 кромид

ПРИГОТВУВАЊЕ:

Месо: зачинете го бифтекот со сол и црн пипер и пропржете го од двете страни по 4 минути.

Пире: сварете го исчистениот целер во млекото да омекне, додајте 5 г путер, зачинете по вкус и изблендирајте.

Зеленчук: сварете ги морковот и брокулата во посолена вода, а пред сервирањето, додајте малку путер.

Сос: исечкајте ги кромидот и лукот и динстајте ги додека омекнат. Карамелизирајте шеќер, додајте црвено вино и почекајте малку да испари течноста. Додајте ги испржениот кромид и путерот и прелејте ја смесата врз бифтекот.

3 совети за избор и приготвување месо

Паткино филе Пригответе го во тава, а сервирајте го, на пример, со сос од шумско овошје и со пире од карфиол.

Телешки котлет Наполнете го ова лесно црвено месо со козјо сирење и со суви сливи, обликувајте ролнички и испечете ги во рерна.

Туна Налето рибата е добредојдена! Маринирајте ја во маслиново масло, мајчина душица и лукче, грилувајте ја и сервирајте со омилениот зеленчук.

Фото: Pixabay

loading...
Прочитајте и

Оставете одговор

Вашата мејл-адреса нема да биде прикажана.

Ви благодариме за коментарот!

This site uses Akismet to reduce spam. Learn how your comment data is processed.

Сакаш посебен третман?
Зачлени се во елитниот клуб. Регистрирај ја својата е-адреса и добивај специјални понуди и вести
Одјава е можна во секое време