5 јадења за пост на вода: Душата се полни, половината се стеснува!

Многу едноставно!

Предноста на посната храна, покрај здравствените придобивки, е тоа што исклучително лесно се приготвува

Почна велигденскиот пост, најдолгиот од сите четири поста во православјето. Велигденскиот пост трае 48 дена и се смета за најстрогиот пост во годината. За време на овие 48 дена, се јаде храна приготвена на вода. За викенд дозволено е да се јадат јадења приготвени на масло.

Ова е нашиот предлог од 5 јадења што можат да послужат како ручек во текот на посните денови…

Крем чорба од спанаќ

Состојки:
  • 1 главица кромид
  • 2 чешниња лук
  • 3 компири
  • 400 грама спанаќ
  • 1 морков
  • 1 пашканат
  • сол и бибер
  • магдонос
Приготвување:

Исчистете го зеленчукот, измијте го и исечкајте го во големо тенџере. Додајте вода колку да го покриете зеленчукот, па загревајте околу половина час. Потоа, со миксер изматете го сварениот зеленчук и додајте уште малку вода и зачини. Уживајте!

Рижото од зеленчук

Состојки:
  • 150 грама грашок
  • 150 грама моркови
  • 150 грама пченка
  • околу 1 шолја ориз
  • сол и бибер
  • свеж магдонос
  • куркума (по желба)
Приготвување:

Сварете го зеленчукот во малку вода, па кога ќе биде речиси готов, додајте го добро измиениот ориз. Оставете го сето тоа да врие околу десетина минути, а потоа тргнете го од рингла. Додајте сол, бибер и свеж магдонос, па измешајте. Може да додадете куркума по желба.

Шпагети во сос од домати

Состојки:
  • доматен сос (може и свежи домати)
  • 2 моркова
  • 1 главица кромид
  • 1 чешне лук
  • сол и бибер
  • оригано
  • 1 пакување тестенини
Приготвување:

Во многу малку вода продинстајте ги изренданите кромид, лук и морков. Кога водата речиси ќе почне да врие, додајте доматен сос и зачини. Во посебно тенџере сварете ги шпагетите за да бидат ал денте, а кога ќе ги исцедите, додајте им го сосот, па сето тоа внимателно промешајте го.

Грав на вода

Состојки:
  • 1 главица кромид
  • 2 чешниња лук
  • 2 моркова
  • 2 пашканти
  • 300 грама бел грав
  • сол и бибер
  • лавров лист
Приготвување:

Потопете го гравот во вода, па ставете го на рингла да зоврие. Кога ќе зоврие, исцедете го и фрлете ја таа вода, а во тенџерето со гравот ставете друга, чиста вода. Потоа, додајте сечкан кромид, морков и пашканат, па сето тоа варете го околу еден час. Додајте зачини и тргнете го од рингла.

Пита со ориз и праз

Состојки:
  • 1 праз
  • 300 грама ориз
  • сол и бибер
  • кисела вода
  • 1 пакување кори за пита
Приготвување:

Исечкајте го празот, па издинстијате го на малку вода. Кога ќе се издинста, додајте го сварениот ориз и зачините. Одвојте еден лист од корите за пита, па обилно филувајте го со ориз и праз, завиткајте го и ставете го во тепсија. Кога ќе ги филувате и останатите кори, прелејте ги со кисела вода и ставете ги во рерна да се печат околу 20 минути на 200 степени.

loading...

Прочитајте и

Оставете одговор

Вашата мејл-адреса нема да биде прикажана.

Ви благодариме за коментарот!

This site uses Akismet to reduce spam. Learn how your comment data is processed.

Сакаш посебен третман?
Зачлени се во елитниот клуб. Регистрирај ја својата е-адреса и добивај специјални понуди и вести
Одјава е можна во секое време