3 рецепти за малку поинаков и поинтересен појадок со јајца
Јајцата се секогаш добра идеја кога станува збор за појадок, но многу луѓе секогаш ги готват на ист начин. Јадењето јајца во зима придонесува за дневна доза на внес на витамин Д. Една поголема жолчка содржи 10 проценти од препорачаната дневна доза на витамин Д, што ги прави јајцата совршен есенски појадок. Ви донесуваме идеи за малку поинаков појадок со јајца.
Солени мафини со печурки и сирење
За овој појадок ќе ви требаат калапи за мафини во кои ќе вметнете мешавина од јајца, овчјо (или некое друго) сирење и ситно сецкани печурки. Зачинете ја смесата по желба, истурете во калапи и печете 15 минути во рерна загреана на 200°С.
Сендвич со пржено јајце
Ако ви здодеа од обични сендвичи, пробајте сендвич со јајца на окото. За таков сендвич, ќе ви требаат округли пецива, гвакамоле, јајце на окото и парче сирење. Наместо гвакамоле, можете да користите други намази, како што се намази од сирење или зеленчук. Нанесете гуакамоле или друг намаз на пецивото и додадете сирење на него, проследено со јајце што претходно сте го испржиле. Ако сакате сирењето да се стопи, додадете го на јајцето на крајот од пржењето.
Поврзани објави
Малку различни варени јајца
За овој појадок ќе ви требаат 4 тврдо варени јајца кои ќе ги преполовите и ќе ги одделите белката и жолчката. Жолчката од јајцето ќе ја испасирате со вилушка и ќе додадете 1-2 лажици грчки јогурт, сол, бибер и кисели краставички и туна. Ако не јадете туна, можете да ја исфрлите. Ќе ги наполните белките со мешавина од жолчки, а она што ви останува, можете да го послужите на тостиран леб.
Прочитајте и: При подготвувањето компири, ова се трите најчести грешки што ги правиме
ФОТО: Getty Images