Кога во септември ќе замириса на печена пиперка, тоа е јасен знак дека есента пристигнала
Ви носиме три рецепта за јадења од печени пиперки…
Салата од печени пиперки
Состојки:
- 4 црвени печени пиперки
- маслиново масло, оцет, лук, сол
Приготвување:
Печените пиперки излупете ги и исцедете ги. Потоа, зачинете ги со маслиново масло, јаболков оцет и лук. Ако сакате, можете да додадете кајмак или павлака.
Печени пиперки полнети со сирење
Состојки:
- 8-12 пиперки
- 1/2 шолја меко козјо сирење
- зачински билки – магдонос, оригано, лук
- маслиново масло
- бибер и сол
Приготвување:
Измешајте го сирењето со зачините и со него наполнете ги исчистените пиперки. Наредете ги во огноотпорен сад и запечете ги на 200 степени околу 20 минути. Доколку сакате, можете да ги прелиете со неутрална павлака и да ги потпечете. За декорација ставете свеж магдонос.
Супа од пиперки
Состојки:
- 1 голема печена пиперка
- 1/3 шолја индиски ореви
- 1/3 шолја вода
- 1/2 кафена лажичка хималајска сол
Приготвување:
Наведените состојки сомелете ги во блендер, сипете ги во сад и додајте магдонос или свежо сечкана црвена пиперка.